Marcos 12:41-44

Ang Salita ng Dios (Tagalog Contemporary Bible)

Ang Kaloob ng Biyuda^(A)

⁴¹ Umupo si Jesus malapit sa pinaglalagyan ng mga kaloob doon sa templo at pinagmamasdan ang mga taong naghuhulog ng pera. Maraming mayayamang naghulog ng malalaking halaga. ⁴² May lumapit doon na isang mahirap na biyuda at naghulog ng dalawang pirasong barya. ⁴³ Tinawag ni Jesus ang mga tagasunod niya at sinabi, “Sinasabi ko sa inyo ang totoo, mas malaki ang ibinigay ng biyudang iyon kaysa sa lahat ng nagbigay. ⁴⁴ Sapagkat silang lahat ay nagbigay lang ng sumobrang pera nila. Pero ang biyuda ay nagbigay sa kabila ng kanyang kahirapan. Ibinigay niya ang lahat ng kanyang ikinabubuhay.”